Ein nasjonal handverksfest! Ombygging av kalkomnen i Kvernsteinsparken i Hyllestad

Nokre av ovnsbyggjarane. Frå venstre: prosjektleiar Per Storemyr, Leif Akse, Terje Berner, Franziska Rüttimann, Jakob Solheim, Chris Pennock, Ann Meeks, George Murphy, Kjell Magnar Myklebust og Bjørn Idland.
Nokre av ovnsbyggjarane. Frå venstre: prosjektleiar Per Storemyr, Leif Akse, Terje Berner, Franziska Rüttimann, Jakob Solheim, Chris Pennock, Ann Meeks, George Murphy, Kjell Magnar Myklebust og Bjørn Idland.

Siste veka i juni bygde vi om kalkomnen i Kvernsteinsparken. Eit nasjonalt symposium om praktisk handverk støtta av Riksantikvaren. Vi hadde med oss 7 av dei beste fagfolka i Noreg og 8+ av dei beste dugnadsarbeidarane i landet, flotte folk frå Hyllestad. Kalkomnen vart bygd i 2017, men etter ei brenning vart han så skada av den høge varmen at han måtte byggjast om. No får vi brennkammer i eldfast kleberstein mura med eldfast leiremørtel. No skal omnen tole mange brenningar i framtida. Brenningar for å produsere brentkalk til restaurering av Noregs gamle steinbygningar – og til å kalke fjøsen! Les meir

Velkommen til Per Christian som ny formidlingsleiar i Kvernsteinsparken!

Per Christian Burhol i Kvernsteinsparken: Fyrste dag på jobben i går, med mange besøkande i Parken.
Per Christian Burhol i Kvernsteinsparken: Fyrste dag på jobben i går, med mange besøkande i Parken.

I desse dagar treff du på vår nye formidlingsleiar i Kvernsteinsparken. Per Christian Burhol heiter han, og vi er veldig glade for å ha fått ein så kompetent medarbeidar etter Torbjørn Løland som gjekk over på AFP i vår. Les meir

Gjer som Audun Oppedal: Kalk fjøsen med Hyllestadkalk frå omnen i Kvernsteinsparken!

Audun Oppedal på garden sin Sæsol, med utsyn til Lihesten. Innfelt er eit bilete av korleis Audun har kalka fjøsen sin: Med nybrend Hyllestadkalk frå kalkomnen i Kvernsteinsparken.
Audun Oppedal på garden sin Sæsol, med utsyn til Lihesten. Det lille biletet viser korleis Audun har kalka fjøsen sin: Med nybrend Hyllestadkalk frå kalkomnen i Kvernsteinsparken.

Audun Oppedal har vore ein av Kvernsteinsparkens store støttespelarar i mange år. Og no har han kalka sauefjøsen sin med brend Hyllestadkalk. Frå kalkomnen i Kvernsteinsparken. Ei bøtte med brentkalk, lesking med vatn på staden. Det vart til tjukk måling for to strok på 60 kvadratmeter fjøsveggar. Nett som i gamle dagar. «Eg hugsar at bestefar min og far min kalka fjøsen kvart år for å gjere det reint og kvitt og fint. No vil eg gjere det same.» Grunnen er at moderne produkt ikkje kan måle seg med tradisjonskalk. Så no er fjøsen til Audun ein del av Kvernsteinsparkens kalkomnsprosjekt, som vert støtta av Riksantikvaren. Les meir

Kvernsteinsmarknaden 2018

Vi ynskjer velkomen til den tradisjonelle Kvernsteinsmarknaden, i Kvernsteinsparken, laurdag 23. juni, kl. 12-16. Det er Jonsok! Difor vert det feiring i Kvernsteinsparken etter marknaden. Meir info kjem snart på Facebook-sida vår. På plakaten over for marknaden kan du sjå at det kjem ein nyheit: Trollstien. Kva kan dette vere? Kom, kom! Og finn det ut! Plakaten er laga av Frode Holst.

Sand frå Loneland til kalkomnen i Kvernsteinsparken

Loneland – eit klassisk sandtak.
Loneland – eit klassisk sandtak.

Ein treng mange materialar til eit restaureringsarbeid på ein «gammal» kalkomn, som den i Kvernsteinsparken: Eldfast naturstein, vanleg naturstein, leire, brentkalk, treverk, jarn. Og mange verkty; hammar og meisel, sag, mureverkty, spikar, tommestokk, bøtter og spann – vatn! Har vi gløymd noko? Sand! Vi treng sand for å lage god, gammaldags kalkmørtel; til fuging og pussing, til å mure stein! Difor tok vi ein tur til Ola Kjell Loneland og det største sandtaket i nærleiken, på Loneland, i Fjaler, nær grensa til Hyllestad. Les meir