«Citizen Science» i Kvernsteinsparken?

Diskusjonar om «Citizen Science» i Kvernsteinsparken. Frå venstre: Martina og Julia frå RGZM i Tyskland, Meinrad frå Høgskulen på Vestlandet, Torbjørn frå Hyllestad og Dag Olav frå Høgskulen på Vestlandet
Diskusjonar om «Citizen Science» i Kvernsteinsparken. Frå venstre: Martina og Julia frå RGZM i Tyskland, Meinrad frå Høgskulen på Vestlandet, Torbjørn frå Hyllestad og Dag Olav frå Høgskulen på Vestlandet

Korleis kan museum og forskingsinstitusjonar få eit bredt publikum interesserte i forsking? 1. og 2. mai hadde Kvernsteinsenteret besøk frå Tyskland og Bergen for å drøfte dette spørsmålet. Norsk Kvernsteinsenter er med i eit forskingsnettverk om «materialitet» i forsking og didaktikk som vert koordinert av Høgskulen på Vestlandet i Bergen.

Leiar for nettverket, Meinrad Pohl, har lykkast med å få tak i Martina Sensburg og Julia Weidemüller frå Römisch-Germanisches Zentralmuseum (RGZM) i Mayen – eit av dei leiande arkeologiske musea i Tyskland. I Mayen finst det enormt store kvernsteinsbrot der m.a. romerane perfeksjonerte produksjon av handkverner.

Martina og Julia leiar eit så kalla «Citizen Science»-prosjekt som baserer seg på ideen om at «vanlege folk» skal drive med forsking. «Citizen Science» har blitt ein viktig trend i Europa for å auke forståing og interesse for forsking blant ikkje-forskarar. Oppdraget til Martina og Julia er å utvikle og teste ein forskingsstasjon der amatørar skal samanlikne to ulike typar handkverner. Målet er å finne ut om ei av kvernene malar kornet betre og raskare og om energiforbruket for å sveive kvernene varierer.

Ein kan også drive Citizen Science med gammal kalkproduksjon! Martina og Julia leskar Hyllestadkalk.
Ein kan også drive Citizen Science med gammal kalkproduksjon! Martina og Julia leskar Hyllestadkalk.

I Noreg er det inntil no berre få «Citizen Science»-prosjekt, så Kvernsteinsenteret skal undersøkje moglegheiter å innføre noko liknande her.

Tusen takk til Martina og Julia for veldig inspirerande presentasjonar og diskusjonar og til Meinrad og Dag Olav frå Høgskulen i Vestlandet for spennande samtaler!

Tekst og foto: Franziska Rüttimann

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google+ photo

Du kommenterer no med Google+-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.